Подкасти на Македонски јазик

На Македонија и недостига подкаст култура, тоа значи дека немаме голем број на подкасти, но немаме ни слушатели. Подкаст културата во Македонија допрва ќе расте и развива со оглед на тоа дека подкастите како медиуми стануваат се поактуелни. Достапноста и недоволната промоција се најверојатно најголемиот проблем што луѓето не се запознаени со македонските подкасти. Минатата година во јануари и јас започнав подкаст, но не бев ажурна и немам снимено нова епизода од јуни 2021, а да бидеме реални немав ниту никаква поддршка. Сега повторно имам инспирација и планирам да ги снимам последните објави кои ги имам тука во аудио форма и да ги објавам деновиве како втора сезона од мојот подкаст. Секако имам и некои други планови, но за тоа во иднина.

Во оваа објава ќе ги разгледаме македонските подкасти кои јас успеав да ги најдам и кои активно и редовно се ажурираат со нови епизоди. Дефинитивно мислам дека има повеќе подкасти бидејќи под ознаките Македонски и Македонија не излегува ниту мојот подкаст – за мојот подкаст знам дека е тоа така поради тоа што новиот хостинг провајдер кој го користам не ми овозможува да користам ознаки. Па, да ги погледнеме.

ФЕМКАСТ со Илина Пејоска Затуроски

Добредојдовте на ФЕМКАСТ, нашиот Фемитика подкаст кој е посветен на светот на жените, кариерата, мајчинството и се што е потребно за да изградите успешна и исполнета кариера според Ваши услови.
Домаќинка на ФЕМКАСТ е Илина Пејоска Затуроски која воедно е и основачка на Фемитика и задолжена за нејзино унапредување и целосно уредување. Нашиот подкаст е продолжение на разговорот, ресурсите и алатките што ги наоѓате на femitika.mk секој ден.

Модни Приказни со Ирина Тошева и Никола Ефтимов

Во услови на недостаток на стручна литература за моден дизајн на македонски јазик, подготвивме едукативни авторски текстови и кратки модни факти, интерпретирани од тимот на Самоглас.
Модата е многу повеќе од убаво и стилско парче облека. Сите геополитички, економски и социјални проблеми низ историјата јасно се покажале и низ модна призма.

НаМуабетСоПапата

На Муабет Со Папата е првиот Македонски видео/аудио подкаст на кој водителот, Папата, интервјуира интересни, успешни или амбициозни личности во тотално домашна атмосфера.

Алетеа

Подкаст на македонски јазик посветен на теми инспирирани од филозофијата, образованието и културата.

СБС Македонски

Независни вести и приказни што ве поврзуваат со животот во Австралија и Австралијците кои го зборуваат македонскиот јазик

Pandamonium Radio Show

Поткаст за музика и култура, во кој се обработуваат нови албуми и хип-хоп класици и се зборува за актуелни теми и случувања со различни гости. Hosted by Irie Scratch and Tactivity

Култура Бета

Култура ẞ емладинско здружение за креативно и културно изразување, неформална организација за сите млади кои имаат идеи за развој на културата надвор од културните институции. Воочувајќи ја малата развиеност на младинската слободна и неформална култура, ние – неколкумина млади одлучивме да се организираме во едно отворено друштво чија цел е остварување на најразлични културни случувања меѓу нас младите.

Goce.mk

Подкаст на goce.mk

Збориме Реално

Збориме реално со Мартин Анастасовски на најразни теми.

Моника Зец Аудио Блог

Здраво и добредојде на Моника Зец аудио блогот. Благодарна сум што си тука! На овој блог ќе може да ги слушнеш моите секојдневни приказни, патувањето низ мајчинството, како и за личниот и бизнис развој. Се надевам дека со сите нив ќе те инспирирам да станеш твоја најдобра верзија. Да научиш нешто ново. Да го откриеш целиот твој потенцијал, со цел да имаш многу подобар и посреќен живот. Со љубов, Мони!

Подкастот на Зорка

Секогаш имам нешто ново да кажам. Сега можеш и да ме слушаш, преслушуваш, послушаш или прескокнеш. Изборот е твој, а мое е да ти раскажам.

Тик Так и Зорка

Тик Так и Зорка водат утринска програма на Радио 2. Се она што го пропушти на радио, сега може да го слушаш и како подкаст, кога сакаш и каде сакаш.

Јустинијан Збори

Обични луѓе

“Common People” is a podcast dedicated to real stories. Or ones that balance on the thin line between documentary and fiction.
Life stories. Archive ethnographic notes and interviews. Talks and discussions. (in Macedonian)

Тука вреди да се спомнат и подкастите на Радио Моф и на Џолев и Уметностите кои редовно објавуваат нови епизоди. Истите се достапни на нивните веб страни.

Имаше уште неколку подкасти, но тие не беа ажурирани повеќе од две години и нема поента да ги вклучам во листата.

Се надевам дека во иднина ќе имаме уште поголем број на подкастери кои ќе зборуваат на интересни и значајни теми. За сите оние кои сакаат, а не знаат како да започнат подкаст подготвувам нешто, затоа следете ме.

Related Posts